بالعامية المصرية
( انت عارف )
بقلم / عاشق النيل .. وائل محمد صديق
خلي حد غيرك انت يقول كلامك
عمري متصورت يوم اسمع ملامك
اوعى مرة يجي يوم وتقول هسيبك
الف مرة غبت عني وشوق يجيبك
حتى لو كان الفراق دى من نصيبك
اكتب انت عالنصيب إنى حبيبك
خلي حد غيرك انت يقول كلامك
عمري متصورت يوم اسمع ملامك
انت عارف كنت ايه بالنسبة ليا
كنت من بين القلوب اجمل هدية
كنت دار من الأمان وقسيت عليا
وانت عارف إن حبك بين عنيا
خلي حد غيرك انت يقول كلامك
عمري متصورت يوم اسمع ملامك
مين يقول إن الخطى نسيت مكان
ولاّ الحنين ولاّ الشجن قساه زمان
الحب نور جوه الصدور لازم يبان
مش انين فوق السطور على اللى كان
خلي حد غيرك انت يقول كلامك
عمري متصورت يوم اسمع ملامك
ليست هناك تعليقات:
إرسال تعليق