(( اليتيم )) ٠٠
كلمات الشاعر : السيد عطيه
لحن وأداء عاشق الأوطان الموسيقار : محمد علي
--- ---- ----- -----
♡♡ اليتيم ♡♡
رسول الإنسانية وصانا كتير عليه
ماهو كان يتيم ف الدنيا وحاسس باللي فيه
خليكوا ضهره وسنده
والصدقه توصل عنده
الله خلاه هديه للجنه توصل بيه
رسول الإنسانية وصانا كتير عليه
---- -------
رب الكون معين ونصير للي يحنو
واللي يمسح دمع العين ويشيل عنه
يقيد بكلمه سكته
ويبقى صاحبه ف غربته
والسعد يبقى أتنين بدعوه حلوه منه
رسول الإنسانية وصانا كتير عليه
---- --------
كفة خيره تميل على طول يوم العرض
ياللي صبحت كفيل ليتيم وأن كان فرد
قدم خطوه يلا ونول
حب الله وحب رسول
الخير لو حتى قليل أضعاف يترد
رسول الإنسانية وصانا كتير عليه
--- ----- ----------
كلمات الشاعر / السيد عطيه
مصر
ليست هناك تعليقات:
إرسال تعليق