امنية
لو بايدي ارجع ساعتي
لاحلى عمر عشته بوطن
مثل الگطة حدر السنابل
لو غفن
يحضني ابوي بطيبته
امي تداريني و تحن
ارجع وأشوف اصحابي
يلمني الفرح بكل ركن
ارجع حبيب مو غريب
انسى الدمع انسى الحزن
يردن ايام الطفولة والفرح
گلبي تطيب جروحه
ويطير شعري وي الهوا
بين النخل نشد حبل
للمرجوحة
انصب مناقل من فحم
للدلة تفرح ما تون
يرگص الفنجان بطرب
لصوت الربابة واللحن
گطرات نهر ديالى
تزيح الحزن وخياله
لكن حلم كل ما اظن
شيرده لو راح الزمن
هسة صفت ننطر خبر
عن الوطن نرضاك نقبل
يا قدر
الغربة تاكل بالعمر
دموعنا بآخر ايام
و. وشلن
نتمنى من هاي السنة
لأطيب بلد يعم الهنا
نسمع بشاير النصر
ينزاح كل خائن غدر
والما عرف معنى الوطن
كنز الوطن ما لة ثمن
ابتسام عبد السادة / عراقية
شكرا جزيلا لجهودكم
ردحذف