عايز توصل
عارف معنى انك توصل
عارف ايه بالدنيا بيحصل
اسءل نفسك عايزك تسءل
الدكتور ده بباه دكتور
والسنيور ده بباه سنيور
والكشَاف ما دفعش النور
والي سارقها بيبني قصور
حتى العلم مراحله وراثة
ضهرك جامد ويا حراسة
فاكرين ان العلم مياصة
مش شيكولاته أو مصاصة
لما العلم يكون بفلوس
ناجح بس نجاح مغشوش
كوز الدرة يكله معدوش
طه حسين عمة بطربوش
جوة الجامعة القرش السيد
أو با الجسم الحلو الجيد
اوعي تكتر كلمة تزود
تلقا الدكتور عنك حود
كان أيامنا العلم ايمان
كان اسم الأستاذ عنوان
مش با الفصل بشر سرحان
فينه العلم والله زمان
دنيا الكل محصل بعضه
حتى الكرسي مقلوب وضعه
كله مركز بس لطمعه
كل فاشل بيطق صوابعه
لازم العلم يكونله اساس
اول شىء علم الاحساس
مش بكلام هتعيش مياس
في الأخلاق علني الافلاس
عارف معنى انك توصل
عارف ايه بالدنيا بيحصل
عايز توصل
الشاعر صلاح الجناينى
ليست هناك تعليقات:
إرسال تعليق