---- عتب ----
لو خلص بنادم حجي
منين يجيب السوالف
وبيش يحجي
ولوخلصن ادموعه
من يجيب ادموع بيها يبجي
ولو جفت ارموشه
منين يجيب رموش بيها يمشي
يبسن وردات عمري
لفاني الشيب وانته تدري
ماكتلك اني بالعشرين
حتى تعيرني بكبر سني
خلصن جلمات المعاتب
بعد ليش اعاتب
وشريد اكول للمجفي
جانت امي اتكول
كباحه وعيب ورى المجفين
نحجي
عيب لاتحجي على
الينطيك ظهره
هو ايريد يمشي
لومحب ما ينطيك ظهره
ويخليني اني والليل
مكالب
ساعات الشته طويلة وماتنكظي
بالنهار احسن تشوف العين
الرايح وراد وليمشي
لاجن الليل ظلمه
وثكيل تتجمع هموم كلبي
هدوء ايصير انه وظلامه
الوحدي
اكل بروحي اكل
وسولف وي نفسي
ماتقبل اتهيد
يلمعابى ليش اكفيت
سويتلك شيئ
------------ ابو قاسم ال حربي البيجاوي --- بلهجتي
ليست هناك تعليقات:
إرسال تعليق