مرض الفكر
حرص اوعي الفكريا عم
اوعي تشيل للدنيا الهم
لو يسرح فكرك بالدم
تلقا هموم الدنيا ديه غم
و يا ضميرك تبقا صريح
إياك تعمل فيها فصيح
اوعي دماغك تبقا صفيح
راح هتسافر ويا الريح
ديه الأمراض بدايتها الفكر
لما الفكر بيبدأ بكر
تلقا الأمراض عملت حكر
بكرة خيط تلاقيها بتكر
في الأحلام تلقا الكوابيس
اوعي تكون لكبوسها عريس
فيك هتفرح كل خسيس
مين بيقدر في الاحاسيس
امشي طريقك خليك ساير
فكرك اوعي تخليه حاير
دمك اوعي تخليه فاير
شغل عقلك خليه داير
عقلك فكرك اغلا موتور
اوعي بكلمة العقل يسور
انت طبيب نفسك دكتور
خليك شمعة قايد للنور
حرص اوعي الفكريا عم
اوعي تشيل للدنيا الهم
مرض الفكر
الشاعر صلاح الجنايني
ليست هناك تعليقات:
إرسال تعليق