قصيدة بعنوان ( وصية جندي )
بقلمي : إبراهيم محمد رمضان
وصية جندي ع الجبهة
بيوصيها
وضع عمره في عين مدفع
لجل مصر يفديها
يموت الكل والدم الغالي
يرويها
يروي ترابها . يروي جبالها
وتعيشي يا سينا
في يوم 6 بذلنا الروح
وعدينا
هدمنا الحصن والنصر
إنكتب لينا
وصية جندي لكل بطل
علي خط النار
وصية من اللي بيكره كلمة
إسمها عار
تشيلوا مصر في عينيكم
دا أسم مصر شرف ليكم
إسمعوا وفتحوا عينيكم
هتلاقوا مصر تناديكم
وفي أحضانها بتضمكم
تراعيكم وتحميكم
أكيد مصر دي أمكم
دي ام رؤوف وأم عطوف
خلاف كل الأمم والشعوب
وصية جندي واقف على خط النار
ضرب دانة من المدفع
خرجت وتركت خط العدو دمار
لعبنا معاه بذكائنا
لعبة قط وفار
لعبنا كورة قدامه ونشرنا غسيل
ولعبنا كمان لعبة نط
بحبل طويل
وبعد ساعات صحي وشاف
أشلاؤه بتتقطع
وجثث في كل مكان بتتوزع
ونار جهنم على أمه مفتوحة
آلاف ماتوا وإنقبروا
وآلاف مجروحة
وعرف أن غلطة في حقنا تاني
ماهيش مسموحة
ووصية ليك يابا
من إبنك اللي ع الجبهة
وصية مصر
تحفظ مصر وترابها
ترعي أخويا محمود
تحضنه . تكبره لجل
يحفظ مصر لشبابها
تعلمه و تخرجه طيار
إيوه ظابط طيار
يدافع عن مصر بسلاحه
يرفرف عليها بجناحه
يبيع عمره
لجل ما تفضل مصر تفاحه
في عنقودها مزهزهه بتلمع
لجل ما يشوف العالم
عننا ويسمع
ويعرف إن دي مصر
ومصر الي ما لانهاية
ليست هناك تعليقات:
إرسال تعليق