( عامل النظافه )
راجل عظيم شال عننا
وكل يوم يجي عندنا
ولا مره مل أو قال خلاص
علي طول يريح قلبنا
يجي بالنهار واخد قرار
شغال ولو في الدنيا نار
علي طول بنرمي له الكياس
وهو يحمل غلبنا
أنا باشكره والشكر
زاد
علي طول بيحضر
في الميعاد
وشكرنا له مش
كلام
والله دا من حبنا
الشكر دا مني إليه
لو طولته راح اقبل إيديه
راجل عفيف
عايش شريف
وحبه ساكن قلبنا
عايش حليم قلبه رحيم
قايم بشغله في السليم
وان غاب في يوم محضرش فيه
دبان كتير يدخل لنا
الشغل مش عيب أو حرام
قوم واشتغل وبلاش تنام
واعرف بأن العيب يكون
لو عشت عاطل وسطنا
عامل النظافه أكيد عظيم
وفي شغله دايما مستقيم
فاهم أصول الشغل إيه
ديما ينضف حينا
(احمد السبكي) مصر
ليست هناك تعليقات:
إرسال تعليق