( فاكر لحظه )
بقلمي / جمال القاضي
------------------
فاكر لما أنا كنت هناك البارح
على شط البحر لحالي
كنت أفكر فيك لثواني
وأغمض فيها جفون لعيوني
وأتذكر فيها ملامحك
وأحس بطيفك قربي كمان
كان بيداعب فيها خيالي
قالي القلب ساعتها كلام
بعد شويه توصل منها
نسمه تمر وطيفها معاها
وبعدها تلقى حبيبك واقف
واقف جنبك حقيقه وواقع
لحظه وفيها عبيرك كان يسبق
فيها حضورك وأرحب بيه
زي نسيم لربيع وعطوره
بعبير لزهوره جوه أنفاسي
راحت ساكنه شذاه بجماله
وكان بيصحي القلب النايم
كان من صوتك همس يقولي
يلا نكمل باقي ساعات اليوم
برحله جميله فيها الحب
رسايل بين قلبي وقلبك
ينقل منها حروف بكلامها
وصار كل الحب فيه عباراته
نظرات مفهومه أفهم منها
أيه قلبك كان ناوي يقوله
ولساني كان يفضل ساكت
وعيوني تترجم كل حديثها
من غير ماتقول ولاكلمه
بس اليوم الحال إتغير ليه
وكان ده مني سؤال
نسيت البارح وحلو مافيه
ونسيتني خلاص ولاالقلب
غاب فيه إحساسه ومات
وكل ماأقرب منك وجهك عني
يبص هناك لبعيد وكأني
عن قلبك صرت غريب
ولايعرفني ولاكان بينا
أي حديث ولاحتى علاقه
وفيها مشاعر تشرح حتى غرام
ترد عليا تجاوب بعد سؤالي
بوقت طويل وكأن الصمت
زي النار تحرق فيا لإني
ماكنت أتعود منك صمتك
وتقولي كان صمتي لإني
كنت أفكر فيك وأقول بحبك
حب يفوق الواقع ويخلى القلب
في عالم تاني عالم تسكن فيه
أرواحنا وفيه بتلاقى
كل إتنين عشاق بخيالهم
فيه من الفرحه لفوق طايرين
ولما سمعت جواب لسؤالي
رجع القلب فيه ينبض حبك
بنبضة فرحه وهجرت منه
بقايا الحزن وأمسك إيدي بإيدك
وقلت ساعتها رجعت تاني
زي ماكانت على الوجه ملامح
مرسومه عليها الضحكه ويلا نكمل
باقي حياتنا برحلة حب تجمع بينا
--------------------------
مع أجمل تحياتي ( جمال القاضي )
ليست هناك تعليقات:
إرسال تعليق