الحقيقة
هي أيه بس الحقيقة
أيوة ده هي الحقيقة
بص ف مرايتك دقيقة
هتشوف دنيا الحقيقة
دنيا جوة زيف وخداع
ناس ف عيشتها صراع
بسمه مع كتير أوجاع
ناس بالطبع مسيئة
هي أيه بس الحقيقة
دنيا والله ماتساوي
فركه كعب خطاوي
دواء طبيب مايداوي
فراق روح ف دقيقة
هي أيه بس الحقيقة
دنيا دايسة ع الضعيف
والحرامي بيه شريف
صعب تلقي النضيف
بعد فراق قلوب بريئة
هي أيه بس الحقيقة
دنيا الإخلاص معدوم
والندالة علامة اليوم
ظالم جاي ع مظلوم
ظلمة بأسوء طريقة
هي أيه بس الحقيقة
دنيا الغلبان بقي عبيط
مع ناس بلسان سليط
فيها ميت ألف حويط
قلوب ف البحر غريقة
هي أيه بس الحقيقة
بقلم
الشاعر /شريف توفيق
ليست هناك تعليقات:
إرسال تعليق