احكي يا وطن
..................
أحكي يا وطن
حكاية الغلابة المطحونين
حكاية ولد طيب
وحيد أمه وأبوه
كتب عليه القدر
الشقا التعب والكفاح
من أجل لقمة عيش
عايز يفرح
زي باقي الخلق
لكن الموت
كان بيدور عليه
احكي يا وطن
حكاية ...
ولد اسمر
وضحكة مرسومة ع الجبين
يحكي موال حزين
للغلابة المطحونين
في قطار حديد
قلبه جامد
لا يرحم ولا يلين
يجري فوق قضيب هش
أكله البروم
ومالوش ضمير
دم الفتي سال يا عيني عليه
وصاحبه بيدور عليه
مازال صوته يدندن بمواله
الحزين
وأمه في انتظاره
بلقب ملهوف حزين
والدمعة ف العين ناشفة
عايزة تنزل
وهي مش عارفة ليه
أحكي يا وطن
حكاية ولد اسمر
وحيد أمه وأبوه
......................
بقلم جمعه عبد المنعم يونس
مصر يوم الجمعه 26 مارس 2021
ليست هناك تعليقات:
إرسال تعليق