السفينة
فرحان لبلدي
....
باركو لمصر الأميرة
عندها فرحة بجد كبيرة
ماخلاص عامت السفينة
في قناتنا الحلوة الجميلة
أحنا بعون الله أبطال
وكل شدة وليها رجال
ومهما كثرت الأحمال
المصري يقدر عليها
الله الله الله يا مصر
قلبتي بسرعة الأزمة لنصر
الله الله على الجدعان
ولادنا أسود واشجع فرسان
مبروك يا مصر مبروك يا غالية
يالي رأيتك دايماً عالية
كل الدنيا بتبارك لك. يا أصيلة يا أم الدنيا
شكراً يا بلدي يا ست الكل
يا عود ريحان على ورد وفل
شكراً شكراً لرجالك
ورئيسك وعمالك
وكل واحد بيحبك
وجنودك وابطالك
عدي عدي يا سفينة
أحنا قناتنا أحلى مينا
واللي يعدي عندينا
نفدية بروحنا وعينينا
وقت ما تيجي تيجي بالسلامة
وقت ما تمشي مليون سلامة
أحنا نحب الدنيا بحالها
أحنا الطيبة أحنا الشهامة
باركوا لمصر الأميره
عندها فرحة بجد كبيرة
ماخلاص عامت السفينة
في قناتنا الحلوة الجميلة
.......
......
بقلم
الشاعر
ماهر نسيم
عدي عدي يا سفينة
أحنا قناتنا أحلى مينا
...
مبروك لبلدي ست الكل وتاج رأسي
شكراً جزيلاً هيئة قناة السويس
ليست هناك تعليقات:
إرسال تعليق