قلم الحبر والرصاص٠٠٠٠٠الكاتب والصحفي السيد عبود

 عندما يكبر الإنسان يكتب بقلم حبر وليس رصاص حتى يتعلم أن محو الأخطاء لم يعد سهلا..

 

 لا يوجد فرق بين لون الملح ولون السكر فكلاهما نفس اللون ولكن ستعرف الفرق بعد التجربة كذلك هم البشر..

دائما ستكون هناك قلوب لن تكرهك مهما أهملتها وقلوب لن تحبك مهما أكرمتها فأحسن الإختيار ..

 

 أغلب الذين يتحدثون عن عيوب الناس هم أناس لا ينتبهون لعيوبهم الكبرى ومنها أنهم يتحدثون عن عيوب الناس ..

 الأصدقاء لا يتغيرون بل نحن نتسرع في أن نطلق على البعض أصدقاء ..

  بعض الناس سوف يتركونك ولكن هذه ليست نهاية قصتك بل هي نهاية دورهم في قصتك لا أكثر.. 

  نصف الراحة عدم مراقبة الآخرين ونصف الأدب عدم التدخل في ما لا يعنيك ..

من اسوء الناس ممكن تتعامل معاهم في الوجود  هما الناس اللي طول الوقت شايفين نفسهم صح  ..  وانهم مابيغلطوش وان دايما الحق معاهم  ..  

واللي شايفين ان الاخرين هما اللي دايما مقصرين  ..  وهما اللي دايما غلطانين  ..  

الناس دي  منعدم عندهم حاجه اسمها اعتذار  ..  

مابيعرفوش يقولو  (أنا آسف)  او (حقك عليا)  او غيرها من عبارات الترضية  ..  

ناس مابيعرفوش يجبرو الخاطر بكلمة حلوة  .. وفي النقد لسانهم زي المبرد  ...

وف نفس الوقت عايزين يسمعو كل كلمات المدح والثناء عليهم وعلي شخصهم الفذ وعقلهم الجهبذ اللي مافيش منه 

فاكرين نفسهم من طينة تانية غير باقي البشر   ..  

لما يصادفك من النوعية دي ماتحاولش تجادلهم  او تتناقش معاهم  .. 

 انت تبعد عنهم من سكات  ..  ولو مضطر تتعامل معاهم  يبقي كل اللي عليك تقوله ف اي مناقشة او موقف يحصل  ...  (انت صح)  وبس علي كدة وتريح دماغك وتسكت

  ..  

ماتحاولش تنصحهم  او تقولهم انهم غلط لانهم مش هيصدقو ولا يستوعبو  نهائي  وهيشوفوك يااما مابتفهمش يااما حاقد عليهم  

 ..  

عشان كدة تعامل ببرود  وابتسم وماتحرقش دمك لان فعلا هما مايستاهلوش  تتعب اعصابك عشانهم  ..

طبتم وطابت أوقاتكم بالخير

الكاتب والصحفي السيد عبود