عاوز ايه من زمانك
بقلمى منصور ابو عبدالله
*************
محتاج انام مرتاح
ومفكرشي فى اللى راح
وأحس ولو كدب بالبراح
وتزورنى يوم الافراح
**************
محتاج مخدتى متصحنيش
وضلوعى اللى منى متألمنيش
ويعدى يوم على عنيه متبكيش
وتسكت أيامى مرة متأنبنيش
****************
نفسى احس انه احلامى مشروعه
وكلمتى اللى بقولها مش ممنوعه
والضحكه اللى تطلع منى مسموعه
مش اضحكها فى السر كأنها مسروقه
*****************
بصراحة والخلاصه من غير زوقان
انا عاوز اموت لا مديون ولا مدان
وأعيش الباقى من عمرى إنسان
واخد نصيبى فى الدنيا من غير إحسان
******************
بقلمى منصور ابو عبدالله
عاوز ايه من زمانك
ليست هناك تعليقات:
إرسال تعليق