( عشانك يا بلدي )
-----------------------
على حبك يا بلدي
مفطوم م الرضاعة
ويجري ف عروقي
رجوله وشجاعة
وأقدم فروض
الولاء والطاعة
لو يوم تندهيلي
واحلف يمين
أنا ابن ترابك
ماعرفش النطاعه
وخالي ف غرامك
عيوب الصناعه
أنا نبت أرضك
و وش البضاعه
واعادي في حبك
أتخن تخين
أمد الأيادي
بحب وإخلاص
وأهد الأعادي
بطلق ورصاص
وأغني لبلادي
بقوه وحماس
وأحرس حدودها
لا أبيع ولا استهين
عشانك يا بلدي
تهون الحياة
ومايفرقش عندي
سلطان ولا جاه
ده عشقك في قلبي
واصل منتهاه
جيل بعد جيل
وسنين ورا سنين
رايه وهتفضل
مرفوعه لفوق
وبعد كل ليل
فيه فجر وشروق
واموت وأنا رافع
راسي لفوق
ولا اقبل ترابك
يدوسه هايفين
محمد سيوفى
ليست هناك تعليقات:
إرسال تعليق