بقلم سامي محفوظ حنا
جايه ليه
جايه ليه بتدوري
تاني فيه على إيه.
قلبي خلاص حطمتيه
بعد ماحبي فرطت فيه.
والعمر اللي عشته معاك
هان عليك وبعتيه.
جايه تاني ليه
بتدوري في على إيه.
ايه اللي فاضلك عندي
واللي نسيت فيه تعمليه.
ايه اللي مدمرتيش
ورجعه تاني تدمريه.
اطمني قبل ما تسيبيني
أنت خلتيني حطام.
ما عادش جوايا
غيرالجراح وآلام.
حتى اللسان نسي الكلام
وكلامك ما يتردش عليه.
عاوزه من الحيطام إيه
ولا يمكن جايه تصلاحيه.
تصلحي ايه ولا ايه
قلبي زي الاول هترجعيه.
ولا اللي بعتيه هترجعي
من ثاني تشتريه.
والجرح اللي بينزف جوايا
بكلمه منك راح تداويه.
هو القزاز لما تكسريه
بتعملي فيه ايه.
بكثير خالص تلميه
علشان مايجرحكيش ترميه.
وإنت خايفه احرجك
وجايه علشان ترميني
وعن طريقك تبعديني
ما تخافيش أنا ما ترميش
الحيطام بكره راح يعيش
من غيري قلب من غير حب
إنسان تاني غير اللي تعرفيه
ما فيش شيء يأثر فيه.
جايه تاني ليه
بقلم سامي محفوظ حنا
ليست هناك تعليقات:
إرسال تعليق