سي السيداحمدعبدالجواد
اكتب عني وقول يافصيح
يانخيل ميهزك ريح
ذم واجرح اكدب اشطح
فوقلي وصحصح
مش عايزك تبنيلي ضريح
انا السيد عبد الجواد
الخطوة امشيها بميعاد
والكلمه لما انطقها
بتكون حكمة تلف بلاد
النظرة من عيني ماشوره.
ووعودي ادفعها فاتورة
ومنيش لعبة زي الكوره
أو طلقه يتطلقها زناد
جماﻻوي من ساسي
لراسي
جماﻻوي وعمري مكون
ناسي
لو حتى اقدامي متشيلني
اجيلها ماشي علي راسي
اوﻻدي شربوا الوطنية
والحشمه في بناتي
طبيعية
والزوجة من الصنف
البلدي
بتقوتنا علي الطبليه.
عفاني وبغض عنيه
شيفاني مش مهملة فيا
ازاي ابص لدية ودية
والهس ورا حرمه اما
تعدي
الوالد كان شهم فتوه
بالحكمة ومهوش بالقوة.
راجل دوغري بره وجوه.
منه ورثت الحنكه لوحدي
الناس عيشاني وفكراني
ويروح زمني يرجع تاني
انا أصلي علامة في زماني
بمنشه اهش جراد
انا السيد عبد الجواد
وهاتها جمايل يااااارب
من ديوان منديل بقويه أتحدث
—. وهاتها جمايل يارب
شاعر الحارة المصرية
صلاح سليمان
ليست هناك تعليقات:
إرسال تعليق