حكاية ♥ غرامي ♥حكاية مريره 😂 :
********************************
حكايتي معاك ياحلوة قررت إني احكيها
اصل أنا تعبت وقولت إنك لازم تسمعيها
شايلهافي قلبي وموجوع أنا لواحدي
وإنت ولا همك حاجة حتي من همي
فاكره ياحبيبتي أول مره فيها شفتك
كل إللي فاكره إني من حلاوة عينيك
توهت فيهم ولقيتني لعبة بين ايديك
طول ليلي أكتب إسمك وأرسم حواجبك
أصل أنا مقدرش لعينيك ياحبيبتي أقرب
والأغرب كنت بحول كل حرف وكل كلمه
تقابلني في مذاكرتي قال أيه لإسمك
وضعت وضاع للأسف مني طريق النجاح
أصل كنت بحارب أهلك من غير سلاح
وطاردوني كما اللي بيطاردوا عدوهم
ضرب نار ويتربصولي ورا الشجر كلهم
بيتكم ياحبيبتي ودخلته أنا والله من بابه
وقلت لاخوك يخليني صاحب من أصحابه
يمكن يوافقواني واكون في يوم اخ ليهم
لكن ضيعونا انا وانت للاسف بعندهم
ومشي كل واحد فينا في طريق مختلف
جوزوك وبعدوك وكان دا للأسف حلمهم
وأنا الحلم عاش بقلبي اللي والله حبك
وعشت ياحبيبتي أتمناك دايما لنفسي
واتعدلت الظروف مابينا وقولنا نرتبط
بعد ماراح ابوك وراحوا اخواتك كلهم
ولما إرتبطنا ياحبيبتي قولتيلي قال ايه
أنا ياحبيبي جيالك أعيش وياك ونس
ندمت علي كل لحظة افتكرت إسمك فيها
معقوله بعد خمسين سنه صراع في حبي
نسيتي للأسف كل اللي بسببك ليا حصل
إحساسك مات وقدرتي تقولي جيالك ونس
عوضي علي الله في عمري أللي راح
أنا مش محتاج ياحبيبتي منك حتي ألونس
**********************************
عبدالرحمن احمد حسان
الشهير بالشاعر والاديب
{{{{ أبوحسان}}}}
دماص/ميت غمر/دقهلية/مصر
[[ ١٩ يونيو ٢٠٢١ ]]
★★★★★★★★
ليست هناك تعليقات:
إرسال تعليق