بقلم سامي محفوظ حنا
..................سؤال....................
ليه يا حبيبي غيابك طال
وحالك بقى غير الحال.
حاسس إنك متغير
وطبعك بقى عجيب ويحير.
وما بتردش علي السؤال.
ليه يا حبيبي غيابك طال
نسيتني نسيت حبي
ولا بتتقل و تسوق الدلال
عمر الخصام بينا ما طال
بكتير خالص كان يوم
أنا بنسى و أنت بتنسي
عمر قلوبنا على بعض ما تقسى
ونرجع لبعض من
غير عتاب ولوم.
مش فاكرين اللي
حصل بيننا من يوم.
إيه بس غير الحال
بيرجع يتردد السؤال.
يمكن من غير قصد زعلتك
وقولت كلمه بها جرحتك.
قل لي أنت فين
ونجي اصالحك
إنتظرتك والانتظار طال
ويرجع من تاني السؤال.
ليه تسيبني للحيرة والظنون
عقلي راح يخل واوصل للجنون
إيه غيرك وكان قلبك حنون
يقولوا خان أقول عمره ما يخون
يقولوا دوام الحال من المحال
هو كان رد على السؤال
وقال ليه غيابه طال
سؤال
بقلم سامي محفوظ حنا
ليست هناك تعليقات:
إرسال تعليق