كلمات الشاعر زرق جادو
مصر .. دمياط
.. الكرونا الملعونة ..
ياعالم الحقونا
ياعالم انقذونا
فيروس إسمه الكرونا
جه طلع عين أبونا
العالم كله خايف
كله بيسمع وشايف
كمامة وكممونا
كحول وعقمونا
حظر وحبسونا
في بيوتنا قعدونا
بعدنا عن الزحام
ومافيش بالإيد سلام
انقطعت الزيارات
واتمنعت الحفلات
إتقطعت الأرحام
ووقفت الأحلام
إصبات بالآلاف
طبعا لازم نخاف
فيروس مالي البلاد
بيموت في العباد
مالوش عزيز كبير
مالوش غني وفقير
وداعنا أحباب كتير
ارحمهم ياقدير
أصحاب كمان جيران
إرحمهم يارحمان
وقفت السياحة
وقفلت المقاهي
وقفت الرياضة
وغلقت النوادي
فيروس ملعون خطير
مالوش عزيز كبير
ده بس جي منين
ومعانا لحد فين
بيبيد في الناس إبادة
أغلق دور العبادة
حتي الطواف ياسادة
لازم يا ناس نفوق
ونصالح رب فوق
يارب يا ستار
يارافع الأضرار
ابعد عنا الوباء
ابعد عنا البلاء
هنطهر في قلوبنا
ونكفر عن ذنوبنا
إحنا المستضعفين
وانت القوي المتين
كلمات الشاعر رزق جادو
مصر .. دمياط
ليست هناك تعليقات:
إرسال تعليق