كلام متكلف
اوعي دماغك حد تسلف
تلقا كلام طالع متكلف
اكتب ابدع خرج الف
اوعي تسيب عقلك متكتف
هي الملكة ليها مواعيد
بس الكلمة الحلوة تصيد
لما الاقيها عني بعيد
فكري بقرب له المواعيد
لازم الكلمة بفنك تخطف
فيها تظبط تطلع انضف
كل حروفها تفنط تعرف
اوعي تقول مليت أو تأرف
لما الكلمة تلاقي مكانها
زي البنت السياقة دلالها
تبقا رشيقة بكل جمالها
تغلط ملصلها في ودانها
تلقا النص مفهش عيوب
اكتب اوعي تقول هتتوب
اصبر ياما صبر ايوب
شوفت كفن معمله جيوب
اكتب الف ديما فكر
حط الكلمة بماجور خمر
فكرك كله بايدك حرر
ركز بس احسن تدمر
اوعي دماغك حد تسلف
اوعي تسيب عقلك متكتف
عقلك كلف
الشاعر صلاح الجنايني
ليست هناك تعليقات:
إرسال تعليق