قوللي
قوللى بتلف وتدور علينا ليه يا زمان
ليه دايما تيجي ع المسكين والغلبان ؟
طول عمره شقيان بيعاني وتعبان
بيسعى ورا اللقمه والرزق الحلال
ويدوب يكفي الولاد بالعيش كمان
ويوم الهنا لما يلاقي فطار وغدا وعشا
والهدمه م السنه للسنه وده كل المنى
غلبان عايش بالرضا تيجي عليه يا زمان
وسايب اللي عايش في الارض ع الفساد
راشي ومرتشي وحياته حرام في حرام
ولا عنده خوف ولا خشى من الرحمن
واكل شارب من الخيرات في كل مكان
ولاهمه فلان ولا فلان واصل مش حيران
ولا يعرف الهم ولا له اصل ولا عنوان
لابس هندام ولا يعرف اهل ولا خلان
ساكن القصور والحرير في كل مكان
يرضي مين ده يا زمان
سايب الفاسد وتيجي ع الغلبان
ابراهيم محمد آدم
ليست هناك تعليقات:
إرسال تعليق