(((صدقوني)))
صدقوني لما أقول
إن الزمان دا انا تهت فيه
لا الكبير ينفع كبير
وعم الأصول إبكي عليه
لا حد بيقدر ظروفك
ولا حد حاسس باللي أنت فيه
لحالك أنت مين يشوفك اللي منك داس عليك
واللي باقي هو خوفك
م الكريم يغضب عليك
شهر الشتا بقا شهر صيفك
حتى المطر عاصي عليك
عم الكرم ماعتش ضيفك
والجحود باين عليك
الرجوله باعها طيفك
والنداله طبع فيك
والضلال بقا هو سيفك
قتل الحقيقه صنع ايديك
******
صدقني لما أقولك
إن الزمان دا انا تهت فيه
الخسيس الكل فوق بيرفعوه
وألاصل مات فى أي أرض يدفنوه
والشريف دا تم كبته ويرجموه
والمنافق للحن صوته بيسمعوه
يابشر رب العباد وحدوه
كل البلاء إللي ٱحنا فيه نازل بذنب
والتوبه حل لو ليكوا رغبه ترفعوه
بقلمي
نبيل عبد الحليم
2/1/2021
ليست هناك تعليقات:
إرسال تعليق