ما كنا نعرف
---------------- د.صالح العطوان الحيالي. العراق. 12.1.2021
ما كنا نعرف طائفة جارنا
ومن اي قوميه
ومن اي مذهب
ومن أي دين
مدري منين جونا وفرقونا
عشنا إخوان ايد تشبك ايد
لو وكع طفل تحزن كل الحارة
لو يوكع عمر يركض علي
وحسين وعباس
كلهم ولد الديرة
ونلتم العصر كلنا ونروح لداره
لو يعثر عثمان يركض عليه علي
يكله اسم الله اخوي وينفض ترابه
لو واحد تمرض بينا
نكضي الليل يمه سهاره
ما ضنيت الوكت بينا يندار
اجتنا وجوه صفرة كلها غداره
ما بوجوهم رحمه
غايتهم يدمرون بيتي
اللي بنيته
حجارة حجارة
غايتهم طوائف
ومذاهب وقوميات يسوون
أخوية من الرمادي
ينسى انا من العمارة
عمت عين الوكت
اللي صديقي
كدام عيني
وما اعرف اخباره
وجاري ما اعرف اخباره
لو اخوي اللي كل واحد
منا صار بديرة وما يعرف جاره
راحت رجال المحبة والمودة والكرامة
ضلت الذكور الهدامة
والخداعة والكذابة
ليست هناك تعليقات:
إرسال تعليق