مش بتحبيه
طب ساكتة ليه
ماتكلميه
ماتعرفيه
روحليله وقوليله
أو حتى لمحيله
أنك مشغولة بيه
مكسوفه َ منه
مكسوفه ليه
مش مشاعرك صادقة
وحتموتي عليه
خلاص صارحيه بحبك.. مستنية أيه
أحسن واحدة تانية
تسبقك بثانية
تسبقك بخطوة
وتحلو في عينيه
وتسكن جوه قلبه
وتشغل فكره وعقله
ويبقى غصب عنه
وفجأه َما تلاقيه
عرفيه وسيبيه
وشوفي رده أيه
وشوفي رد فعله
من نظرة عينيه
وشوفي حس ايه
واللي بأن عليه
وان قالك بحبك.. إياكي تسيبية
واحلمي َمعاه
وحلمك حققية
واسكني في قلبه
وفي قلبك سكنيه
وافرحي َبقربه
ودايما فرحيه
واتهني بحبه
وبحبك هنيه
وعيشي في سعادة
وسكر زيادة
مع اللي اختاره قلبك.. واللي حلمتي بيه
وافرحي أكبر فرحة
بالفستان والطرحة
وقولي حبيبي معايا.. وهدلع عليه
بس أوعى تنسى حاجة
وهي أهم حاجة
أنك تعرفيه
أنك بتحبيه
مش بتحبيه... طب ساكتة ليه
ما تكلميه
.......
......
بقلم
الشاعر
ماهر نسيم
مش بتحبيه
ليست هناك تعليقات:
إرسال تعليق