........... الموت عظه ............
خلينا عايشين علي المنظرة
إبن القاضي وإبن العميد
وعناوين كلها الوان وفشخرة
والتراب بيلم أى فقيد
القبر مفيهوش درجه ولا قنعرة
ولا دكتور ولا عقيد
ولا حاجه بتدفن معاه في الثرى
ولا شجرة ولا وروود
مفيش تمييز في أي نوع مقبرة
ولا فرق في الدوود
لا جرانيت ولا ستاره متغندره
ح تفرق فى اللحود
النومه علي القبله ذى المسطره
والكفن شرعي محدود
هيبة الموت عظه وتحت السيطرة
الموت حق لكل الوجود
لا فيه تمييز ولا درجات بأى تذكره
ولا يتباع بأي نقوووود
ولا لكل مقام عنطزة بنوعية الغرغره
ولا حتي إختيار المواعيد
لكل أجل كتاب وميعاد دخول المقبره
ومستحيل لأي حد يحيد
المناصب غطا خيوطه كلها متبحتره
ع أجساد باليه يوم الحساب متأخره
والميزان عنده الدليل والشهود
..............................................
........... حسن الشوان .................
ليست هناك تعليقات:
إرسال تعليق