"شيء مخيف"
أمر صعب وشيء مخيف
لما طول الوقت
يبقى خريف
لما الحزن يجري دايما
والحب واقف
عالرصيف
لما الدموع تبقي شلال
والفرح يبقى
سكر خفيف
أمر صعب وشيء مخيف
لما الحق يبقى بس للي
دمه خفيف
لما الصحاب يغدروا
ولسه كانوا
بيقسموا الرغيف
أمر صعب وشيء مخيف
لما كلمة الحق تبقي
خيال وطيف
أمر صعب وشيء مخيف
لما الباطل في الحق بيفوت
وناس بتركب الموجه
وناس ساكته
عشان القوت
وناس عداله بيسقفولو
ويقولوا عليه حريف
أمر صعب وشيء مخيف
لما الجربوع
يبقى النضيف
أمر صعب وشيء خطير
لما الحرامي
يلبس حرير
أمر صعب وشيء خطير
لما عز الحر
يبقى الزمهرير
بقلمة/ الشاعر رشاد على محمود
ليست هناك تعليقات:
إرسال تعليق