خواطر بعنوان : : ( رحلة صمود )
النهاردة عيد زواجنا احلى عيد
يوم ماحطمنا وكسرنا الباب الحديد
عدى من عمرى سنين عايش وحيد
وافتكرت ساعتها كل احلامى نشيد
وان حلمى هيتولد لسه من جديد
النهاردة بفتكر رحلة صمود
يوم مافكرنا نبنى عشنا وايد فى ايد
لآجل يبقى صرحنا بستان ورود
اتفقنا ع المصارحة وع العهود
والغرام والحب بنا فاق حدود
وحطمنا بآيدينا كل القيود
ووقفنا ضد حرب ملينة سدود
مابين تدخل الاهل و فتنة اوشرود
ضاع مابنا آسمى معانى للخلود
الله اكبر لما ينطق لسان جحود
نموت ونستشهد واحنا لسه ع الحدود
ياغربة الليل الحزين قاعد اسير
زنزانة الغدر الطويل واقع مرير
قبرى فى الدنيا كان سهم وكسير
رغم نار المحن وفقدان الضمير
العار وكل العار لحظة خضوع
خيبة امل وخذلان وسط برد والاجوع
لما يبقى الوفى والعشرة بركان دموع
تبديد لكل اركان المحبة وآثار صدوع
واللى باقى صمت فى لحظة خشوع
تحلف ع المية تجمد عمرى ماهصدقك
قولت وحكيت عنى وكانى بودعك
طب ايه عايز منى احن وارجعك
هوانا كنت بعتك اوحتى بخدعك
انسى كل اللى فات بقول لك وبسمعك
خلصت خلاص اللعبة هحكيهاو اسمعك
حرمونى من زوجتى وبنتى
ولكل واحد جابوا سيرتى
لوحد فيهم شاف حيرتى
كانوا حسوا بى وبشيلتى
انا شفت م الدنيا مرارها
ظلم البشر زود نارها
ياما نفسي مرة اشوف نورها
اوابنى صرح واقيم سورها
الهجر والنسيان توبهم
والكره عشش فى قلوبهم
م القسوة والحرمان زدهم
يارب خلص لى وكيدهم
بقلم محمد عباس
الاسماعيليه . مصر
.jpeg)
ليست هناك تعليقات:
إرسال تعليق