تم إلقائها بالتليفزيون المصري في القناة الرابعه بالإسماعيلية ١٩٩٨
♡ سعيد عبد القادر السيد ♡
( عاميه )
《 أصحى يا آدم 》
أصحى يا آدم فوق م الغفله
أنسى حوا دي أصلها جاحده
بكل ما تدي وكل كيانك
ولكل غرامك ناسيه ونكره
أصحى يا آدم وأوعى تسلم
قلبك ليها أحسن تتألم
مهما قالت لك أو حلفت لك
ان هواك جواها معلم
وإن يوماتي بيك أه بتحلم
ماتصدقشي ولا تسمعشي
حوا دي أصلها ماتطمنشي
مهما تاخد منها وتاخد
برضوا ليها ماتأمنشي
دموعها كتير وليها تفسير
لطلبه حرير لأكتر بكتير
خلقك ربك أنت الأول
من ضلعك أعوج خلقت حوا
ليه هواها عليك تتطول
وهواها إزاي بيك تتسوا
كفايه سمعت ليها مره
هى المره تركت الجنه
نزلت الدنيا الأسيه المره
والدنيا لحوا هى الجنه
تشوفك تضحك تناجي عنيك
وأنت إليها تروح تتمنى
لحد ما تبقى كل كيانك
لواحد تاني تروح تستنى
طاوعني يا آدم لو تنساها
تلاقي الدنيا ما أحلاها
دي حوا ديه وراها كتير
وراها عزاب وراها تدمير
لكن الدنيا برضوا يا آدم
بيها بتحلى بيها بتسير
أختي وأختك أمي وأمك
هى الغاليه بقلب كبير
خدها يا آدم مني نصيحه
حوا دي أصلها جنه ونار
ممكن ليك تبقى مطيعه
ممكن ليك تبقى دمار
لو خلصت لك بس صريحه
ليلك كله يبقى نهار
تبقى حياتك حلوه مريحه
وتكملوا سوا المشوار
برجوا سماح منكي يا حوا
وأقبلي منيالأعتذار
أصحى يا آدم فوق م الغفله
حوا دي نعمه من الغفار
### بقلبي
سعيد عبد القادر السيد
شاعر ال ش و ال ش
الشرابيه و الشرقيه
القاهره / أبو حماد
قرية كفر أبو نجم
ليست هناك تعليقات:
إرسال تعليق