اتاري صفر الشمال
له قيمة فى عالمنا
يقول ماشي وماشي الحال
يشتت كل ارقامنا
بيتحدى رجال اعمال
يقول العصر عصرنا
بيفرق حتى فى الريال
لو اتحرك بدل حالنا
مالوش قيمة فى أي مجال
لكنه رقم فى حسابتنا
مثل راجل لابس بنطال
يتخيل انه اكبرنا
وتفكيره فكر عيال
لكن الحظ حصلنا
لا فعل له ولا أقوال
ثوب المرجلة دا مجالنا
ياريت تلبس ثوب الرجال
وتتعلم من أعمالنا
الحكمة لها ألف مجال
ماتبقاش صفر تشغلنا
دا كل تجارة ولها دلال
يخلص كل أشغالنا
وكل حرفة ولها مثال
اللي مش منا يجهلنا
ولو تعبر ألف قنال
بين الكبار لنا مقامنا
(((أسامه جديانه)))
ليست هناك تعليقات:
إرسال تعليق