على فكره يا ذوق
أنا ممكن أدوب
واتحول بين أحضانك #تُوب
كما ممكن أعيش جواك لسنين ..
بلا أيُّها خوف أو أي هروب
...
دنا ممكن أمووت
لو بس لمحت فيوم إنك زعلان
إنك زهقان
أو فيك أحزان .. يلزمها تفوت
..
على فكره يا ذوق
كل الأشواق فعينيك مليانه حنان
وبتحكي إزاي النوم فارق الأجفان
يا ابو ضحكة جنان ..
قلبك دا ميدان ..
وأنا تايه فيه
ولا عارف أجيب آخرة أراضيه
أو حتى أراضيه ..
دايما غضبان مش فاهم ليه ..
رافض يتصان وأنا قلبي عليه ..
بس أنا غلطان .. من بعد الآن
إن بت فيوم عشمان في رضاه
..
القصد يا ذوق أنا بيك مفتون
فهواك مجنون
رغم إنه نصيب نفضل في فراق
وبعاد وظنون
وأفضل مشتاق لعينيك على طول
ف أنا بس هقول ..
وأنا هعمل إيه ؟!
إذا كان القلب اختارُه رفيق
والقلب دا شيئ
ما عليه سلطان غير أمر الله ..
ف أنا هترجاه ..
يفتح لي طريق ..
على_فكره_يا_ذوق
#بهاء_اللبودى #بهاءاللبودي #مصر #السودان #سوريا #اليمن
ليست هناك تعليقات:
إرسال تعليق