مربعات ( مع الدنيا)
===========
١
ماشيين وراكي وحافيين
عاجبنا طعمك ولونك
وخدانا رايحة على فين
تغوري انت وزولك
٢
ماشيين وراكي وعميان
حلوك ومرك صطلنا
كدابة وكدبك اهو بان
وغير المتاعب ما طلنا
٣
مشينا وراكي مجانين
دهبك وقصبك لحسنا
مين فرح بطلتك مين.؟
والله فقرك نحسنا
٤
دايرين في ساقية وساكتين
والايد مفيهاشي حاجة
حسبناها لله وصابرين
من عنده تيجي انفراجة
٥
ماشية بقفاكي على طول
ومخوزقة دايما معانا
لا عارفينلك عرض من طول
ولا مدية حد هانة
٦
ماشية معانا وبالخلف
عادتك مفيهاشي حاجة
يا شين ما ليكي من ولف
عوجة و ايدة العواجة
٧
طبع اللئيم الوطاية
تقعدش تقلب وتعدل
والله لو جت له آية
عمر اللي يقلب ما يعدل
( ديواني ع المصطبة ١و٢)
(عبدالرحيم العسال مصر سوهاج أخميم)
ليست هناك تعليقات:
إرسال تعليق