من طين
________
مفيش داعي
يا أرض. تموتي مية مره
عشان أخرج
ما أنا براكي مش فيكي
صرخت كتير بدون ما أدري
وشيبت خلاص
وفاضل هفوة وراجعلك
وكلي يدوب بلون طبعك
دا موج البحر كان عالي
ومتأرجح هوى نفسي
ومتشعبط بمجدافك
لا أنا حاسس ولا شايفك
ومتلخبط بألوان البشر بالكوم
ومتخبط بأنشودة قدر بتدوم
ومين قالك ومين سمعك
ومين دمعه بيرويكي
ومين عاشق يناديكي
صعيد قلبي ده من طينك
يا دنيا قلبتي موازينك
ولا طمعنا وعارفينك
وسايبينك سداح في مداح
ولا مرتاح بيتهنى
ولا محروم بيتمنى
وصوت الفجر كل صباح
ومكتوب الكلام ألواح
ورحمته تسع أكوان
بقلم/وافي إسماعيل الشلبي
ليست هناك تعليقات:
إرسال تعليق