قصيدة بعنوان
(أكيد؟؟؟؟؟)
أكيد هايجي يوم.
وأرتاح والبال هايروق.
وأنسى همومي ال شايلها.
بقالي زمان.
ومتحمل وصابر على دنيا
وخداني في سكتها ال مش
ليها أمان.......
أكيد هايجي يوم.
ووشي ال ماليه التجاعيد
هايتبدد والضحكه تنوره
وتملاه وهاخد نفسي
إل طول عمر الدنيا
منعاه.........
وهاخد نفس عميق
في الفجريه مع
نسمة الصبح بتلعب بخصلة
شعري بعد ما اتحول للون
التلج والشيب
ال كساه وهاسبح ربي
مليون تسبيحه وهاصلي
على حبيبي النبي ورد
لي وهاستغفر وأتوب وأقرأ
القرآن وسورة الكهف يوم
الجمعه وأدعي وأسبق
الخير منين مايروح
وأفرق على الأطفال ورود
وكام حبة شكالاته
وأنسي ماضي ال كان أسود
من الليل وأمر من الحنضل
وأحمد ربي في علاه..
أكيد هاشوف فرحتي
بأولادي بنتي الدكتوره
نورهان ورهف ورزان
وكمان وأكيد حبيب قلبي
أحمد ال هو نور عيني
خوفي الكلام ياخدني
في متاهاتي وأنساه.
أكيد هانسى ال مش
نفسي أفتكره غربة كسرة
لي ضهري ووحده وأيام
كانت لي بمثابة حساب
في الدنيا وبعد الصبر
أكيد ربي له حكمه
سبحانه إن فاض
على العبد بالخير
والبركه بيزيد في
عطاه وبيقول خد
مادمت أنا ربك
وأنا الخالق وأنا المانع
وأنا المعطي وأنا الأول
وأنا الآخر وأنا الباديئ
وأنا الناهي سبحانه
بيستجيب لعبده إذا
رفع إيده وبكا
دموع تذرف على
خدوده تكويها
ندم ودعاه.......
أكيد.............)
7/4/2023
(ترنيمات وخواطر.بقلم..........)
(شاعر العاميه/خيرى حسنى.)
ليست هناك تعليقات:
إرسال تعليق