تحت طلب العديد منكم أحبتي. حرر يوم 06\04\2023
بقلمي المتواضع أيقونة الأطلس زهور
الزجالة أسماء حميد عمور
💌 صفي قلبك يا إنسان
يالي مصفي قلبك وكيانك راه كلو يبان فمحياك
لا تبينش حقدك وبغضك راه العين تفضح مجراك
خلي قلبك ابيض تمنى الخير للغير واعرف تهضر
راه الناس تولي تشفا فيك وتزيد تلومك وتحكر
امتى يبان الحق المنافق ومول القيل والقال
سول المجرب لا تسال طبيب راه شلا مايثقال
عيونك فيها كلام ومعاني كثيرة راه كل شي مع الوقت يبان
عيش حياتك وخلي همك راه المولى كاين نسى عليك لحزان
يا الطاغي فالدنيا دير حسابك راه الموت كاينة
اخرتك تسناك عيش كون حبيب صديق لاش المعاينة
كيف دقيتي دروبك كيف محيتي عيوبك راك تولي هاني
كيف تسنيني مكتوبك كيف بغيتي محبوبك راه كلامي كلو معاني
الزجال يحكي ينسج الحروف موسيقى ونوطا معروفة
لا تلوموش واحد ينصحك سمع لي يبكيك عنداك تولي الدنيا ملهوفة
هادي اسمى قالت وشكات والشكوى لله العالي
يا ربي فرج همي وهم المومينين يا ربي تفرج هوالي
ليست هناك تعليقات:
إرسال تعليق