بقلمي المتواضع أيقونة الأطلس زهور
الزجالة أسماء حميد عمور
حرر يوم 06/03/2023
🇲🇦 عاش الملك وعاش الوطن ولا عاش من خانه 🇲🇦
يالي غادي تنهب شوف وراك راه الموت كاينة
حياتك فنات سرقة ومرقة راها مخدومة راها باينة
أطفال شباب وشيب ونسا كلشي مريض كلشي يدعي
دنيا حكمات ما نسات الرجا فالله كان كلشي يضوي
حتى لين يا إنسان جبروتك راه طغى راه قتل حلاوة القوت
عيينا ما نبكيو عيينا ما نشكيو قوارب داتها الموت
غلاء بطالة دنيا ركالة كلشي تقصى كلشي تعصى
كون كان الكلام يهون كون الزمان تلون ساعة كلشي راح فقصة
عند الله الملقى وعند الله الحساب لا تنساش الظلم والقهرة
بيك تعقدات أمة مسكينة بيك الفقير فنى راه كلشي تقرا
وطنا الحبيب عليه نموتو وحنا ماليه لا بد يبان الحق المغدور
بكل حب وتفان نعيشو وناضلو لا تنساوش راه كلشي مزمم فالسطور
الله يا العالي شوف من حالي وحال ليتامى الأبرار بحالكم وبحالي
راه الوقت غلبات كلشي فات وبقيت انا نشكي همي يا لي تعديتي راك انت واحد بحالي
ليست هناك تعليقات:
إرسال تعليق