قولوا
........
قولوا ياناس فى المساجد
والكنس والأديره
قولوا كمان فى المعابد
عن وقعة منكره
قولوا بأي ذنب
قتلت يا ناس نيره
قولوا على فسل عاطل
قتلها بالمقدره
قولوا وما تسكتوش
دا الوضع بقا مسخره
واطى مخنس عويل
عامل يا ناس عنتره
حكم عليها بالرحيل
أو ترضى بالدهوره
بالله هنحزن عليها
ست البنات نيره
ادعوا المولى ليها
يرزقها بالمغفره
يجافى الأرض عنها
المؤمنه الصابره
يوهب لها الرحمات
نلقاها مستبشره
وينزل الرحمات
على روحها الطاهره
وترفرف النسمات
عليها فى المقبره
يا شهيدة المنصوره
محلتك ضاجره
وبتطلب بالقصاص
م التافه المعيره
قاتل ست البنات
يعدم ملوش مغفره
ولازم يبقا عبره
لكل من قدره
سلام الله عليكى
فى الجنه يا نيره
بالله عليكوا تدعولها
بالرحمه والمغفره
...............................
كلمات فضيلة الدكتور الشيخ/ شعبان وحدالله
...............................
ليست هناك تعليقات:
إرسال تعليق