مرة شفتك
______
عينك الصلفه
إنكرتني.. وما نكرتك
شفت بس حسرة
وندم يخفيها صمتك
لوحة بعيون الفجر
تدري رسمتك
حلمي وحلمك بسيط
حلم وردي ليش ضيعته
بغرورك ياعبيط
أدري وصل الزين واجب
وأدري فوك العين حاجب
أدري عذرك كنت غايب
ومن غبت مجروح رمشي
إنت عندي تسوا كلشي
أقبل يطوٌِل غيابك
وأقبل بقسوة عتابك
أنتظر بلهفة جوابك
أنتظر لو شتڰول أمشي
إنت عندي تسوا كلشي
إنت غربي لو تنسم
إنت ثغري لو تبسم
إنت لجروحي من بلسم
إنت عيني وفوڰ رمشي
إنت عندي تسوا كلشي
ناغيني ياصوت الغرام
روحي عذبها الهيام
إشلون بغيابك تنام
عيني ويرتاح رمشي
إنت عندي تسوا كلشي
إنت أحلى الذكريات
إنت أغلى الأمنيات
إنت شريان الحياة
إنت نبض بدمي يمشي
إنت عندي تسوا كلشي
✍️ابو سالم
٨/٨/٢٠٢٤
ليست هناك تعليقات:
إرسال تعليق