تاج الجمال
إنطيني بوسه إهديني بوسه
نريد نشرب ماي من خد العروسه
نريد نشتمك............... رجاءً ياورد
واحنا ندري بحضانك عطر متروسه
إحنا علمنا العشك والحب دروس
واجب...... علينا ناخذ من دروسه
هاك كلبي خلي ينبص بين يديك
ودير بالك........... لالئيم يجوسه
والله هاي .........عيونك ترمي سهام
واحنا حقنا نخاف ترمينا بسهم من قوسه
كلي أحبك وفتح أبواب السرور
كافي والفرحه بسجن محبوسه
كلي............ أكرهك وقبلها منك
والحب جريمة نخاف من كابوسه
كلي أحبك كلي أكرهك دبر بالك
كلي لا إتأمن ......بيه أجرحك
روحي مفتونه بهواك ليليه
طيفك........... يطرق بناقوسه
أدري......... بيدك صار مفتاح الجمال
وادري تاج الحسن تاجك وانت طاووسه
وادري بالحب داهيه وجازي الدهاء
وماخذ إعفاء بجميع دروسه
تعال إسمع صرختي واَخر نداء
تدري بالحب إنتحر جاسوسه
١/١/٢٠٢٤
✍️أبو سالم
ليست هناك تعليقات:
إرسال تعليق