من اجمل ايام العمر
----------- د.صالح العطوان الحيالي. العراق . 13/11/2020
ايام مضت ايام عدت ايام من احمل ايام العمر ايام لا تنسى تبقى محفورة بالذاكرة
ابا بين فترة وأخرى شريط الذكريات يعود بنا إلى ايام خلت .ايام كان
الراديو يصدح صباحا بأصوات فيروز
ايام كان التلفزيون ينسد الساعه ١٢ الظهر وسعادة افتتاحه الساعه ٤ عصرا وينسد الساعة ١٢ ليلا !!!!
والعشاء خفيف
وگاعد احل واجب الخط على ضوء الفانوس
صدگ چانت حياة حلوه ماكو مسؤوليه ماكو تفكير الله عليها من ايام مضت ...
* كل ما انشوف طيارة اني وجماعتي نگعد نصرخ ونسوي لهم مع السلامة معالسلامة ...
* تذكرون من تسألك امك الساعة بيش ؟؟؟ تكول لها الچبير على التسعة والزغير على الخمسة
*نحس بإنجاز وفرح وشي عظيم إذا طلعت الشمس واحنا لحد هسه ما نايمين
* ننتطر الامتحانات علمود ما ناخذ الجنطة
و ننتطر وقت الشهادة علمود نلبس لبس حلو ونكشخ اكيييييد سويت شيء منها او كلها ...
1- يوم چنت صغير رسمت الشمس بزاوية الورقة ورسمت ساقية الماء وأشجار التوت
يوم چنت صغير جنت تفكر ان شكل القلب الحقيقي ونرسم البيوت على شاطيء دجلة
من واحد من اهلك يطلب منك گلاص مي لازم تشرب شوية وقبل ما تدخل تمسح حلگك حتى محد يعرف انك
شربت .
وقت الغروب كلها طالعه بالشارع وتشوف ولد وبنات يلعبون سوه
ماكو كهرباء نصعد للسطح وناخذ فراشنه ونضل انباوع للسمه ونخاف نحسب النجوم لان الي كان يحسب النجوم على اساس يطلع بي فالول واحنه مصدكين
اكيد هسه انت اخذك عقلك ع ذيچ الايام وعايش اللحظة
قمة الفخامة ايام الابتدائية
من ينطيك المعلم طباشير و أوراق ويگولك وصلها للمعلم بالصف الثاني
تدخل ذاك الصف گدام الطلاب
تحس نفسك مبعوث الأمم المتحدة
واصعب لحضة عندما يدزك المعلم جيب عصا من الإدارة
كنا نطلع نلعب كرة من الصبح إلى المغرب
وقت الصيف نقضي نهارنا بالشط
احلى ايام الصيف من نجني المحصول
وأيام الشتاء نبحث عن الفطر بعد المطر
وصيد العصافير
